Bun-og ang nahiagoman sa usa ka Carl Orpina human kini gipareglahan sa unom ka mga indibidwal gawas sa bar house sa naasoy nga dapit.
Nasayrang wa matuyo nga matulak ni Orpina ang usa sa mga suspek sa dihang pareho silang miadto sa comfort room, apan gilayon nangayo og pasinsiya ang biktima.
Atol sa pagsirado sa bar, gi- sangpit sa mga suspek si Orpina ug kumpiyansa sab kini miduol ug didto nakahi- gayon ang mga nahisgotan sa pagbun-og kang Orpina.
Gisuwayan sa kauban sa biktima nga si Louie Siangco og husay ang bangi apan lakip usab kini gikulata sa wala mailhing mga suspek diin duha kanila nakasuot pa og uniporme sa duha ka iladong tulonghaan sa kolohiyo nga nakabase sa Dakbayan.
Girekumendar sa Sta. Ana Police Station ngadto sa mga biktima nga dad-on una sa Barangay level ang ilang kabigwaos batok sa mga suspek ug kon dili sila mahusay nan magduso ang mga biktima og kasong physical injury batok sa mga suspek.
RadyoMaN Joel Viray
