General Santos City–Nagtingkagol karon sa silda sa Police Station 4 ang 6 ka indibidwal human nga masikop sa gihimong operasyon sa City Intelligence Branch sa General Santos City Police Office gumikan sa iligal nga sugal sa Cunanan residence, Aparente Street, Purok Malakas, Barangay San Isidro, Gensan.
Giila ang mga suspect nga silang Rizalina Cunanan, 55 anyos nga nanimuyo sa maong lugar, Mercedes Rosal, 63, nga nanimuyo sa Delfin Subd. Brgy San Isidro, Dandi Cordova, 30, nga nanimuyo sa Urbano Compound, Paparon, Barangay City Heights, ning syudad.
Sikop sab silang Ricardo Maning, 44, nga taga Paparon, City Heights, Larry Guitolon, 46, tricycle driver ug usa ka Annaliza Fernandez , 27, nga residenti sa paparon Barangay City Heights.
umala pa nga nakadawat ug report ang kapulisan nga lantaran matud pa nga nagasugal ug tong-its ang mga nasangpit sa maong lugar hinungdan nga gi-verify sa kapulisan ug sa dihang nakumperma, gilayon man usab sila nga nag pahigayon ug operasyon batok sa mga nasangpit nga suspect.
Nakuha sa unang lamesa ang 723 ka pesos nga taya ug ang baraha nga gigamit, samtang sa pikas lamesa, nakuhaan ug 615 ka pesos ug ang baraha nga gigamit.
Pormal naman usab nga napasakaan ug kasong pag supak Presidential Decree 1602 kon Illegal Gambling ang mga suspetsado. (Dave Silagan)
