GIPANGHINAOT karon sa hugpong sa transportasyon dinhi sa dakbayan sa Iligan nga dili na lamang ipadayon ni Presidente Rodrigo Duterte ang pagpatuman sa ikaduhang hugna sa excise tax sa produktong petrolyo.
Sumala ni Mr. Raul Permites, chairman sa Coalition of Lanao del Norte Transport for Change (Clutch) Incorporated nga makamugna na usab og dugang problema sa mga drivers ug operators sa pampublikong sakyanan kon ipadayon ang second round sa excise tax.
Gipasabot ni Permites nga nabug-atan nang daan ang hugpong sa transportasyon sa unang hugna sa excise tax ilalom sa Train Law busa dili na matud pa angayang pun-an pa ang ilang pas-onon.
Angayan nga masayran nga gisugyot karon sa mga economic managers ni Presidente Rodrigo Duterte nga ipadayon ang second round sa excise tax sanglit aduna may sunod-sunod nga rollback sa produktong petrolyo.
| | Virus-free. www.avast.com |
