Nagpanawagan Philippine College of Physicians, Negros Occidental Chapter sa National Inter-Agency Task Force kag local officials sang Bacolod kag Negros Occidental nga mapasaka kuntani ang status sang community quarantine sa karun.
Sa interview sang DYHB kay Dr. Michael Salvador, Presidente sang Philippine College of Physicians, Negros Occidental Chapter, ginpahayag sini nga na-obserbaran nila nga nagasaka ang kaso sang mga positibo sa coronavirus sa mga indi man locally stranded individuals ukon OFWs sa probinsiya, rason nga nagpanawagan sila nga i-upgrade ang status sang communitity quarantine sa Enhanced Community Quarantine (ECQ) ukon sa General Community Quarantine (GCQ).
Aminado naman si Dr. Salvador nga ang NIATF lang ang makaligwat sang status sang community quarantine nga ginapatuman sa tagsa ka lugar, gani suno sa iya, kun indi ma-upgrade ang status sang probinsiya gikan sa Modified General Community Quarantine, mas maayo nga ipatuman ang mas hugot nga mga health protocols sa tagsa ka mga barangay.
Damlag pa, isa ka panday sa Purok Mahimulaton, Brgy. Banago, Bacolod City ang nag-positibo sa coronavirus kag nag-patay apisar nga wala man ini sang travel history.
May angut sini, ginpahayag ni Gov. Eugenio Jose Lacson nga bisan ang NIATF ang wala na naga-rekomendar sang pagpaidalom sang bug-os nga LGU sa ECQ kundi sa mga targeted areas na lamang kaangay sang purok ukon barangay, sa diin ipaidalom ang mga residente sa lockdowns.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
