General Santos City–Kulang matud pa ang 25 pesos matag adlaw nga omento sa sweldo sa mga pribadong mamumuo sa Rehiyon 12 kini ang pahayag ni Ben Sumug-uy miyembro sa maong grupo.
Sumala pa niini nga nga nagpahigayon sila ug ilahang kaugalingong computation kung asa migula matud pa nga aron mabuhi ang usa ka pamilya nga dunay mga anak gikinahanglan adunay income nga 18 mil ka pesos ang usa ka miyembro sa ilang pamilya.
Sa nahimo matud pa nga presentasyon sa National Economic And Development Authority migula matud pa nga mabuhi na ang usa ka pamilya sa 65 pesos nga income kada adlaw kung asa klaro matud pa nga usa ka binuang.
Dugang pa ni sumoy-uy nga ang pagtuon sa NEDA, maoy gikuhaan ug base sa Regional Tripartite Wage And Productivity Board hinungdan nga nahimong 25 pesos ang gihatag nga usbaw sa sweldo sa rehiyon.
Apan bisan paman ug mao kini ang nahitabo mapasalamaton gihapon ang mga yanong trabahante sa maong usbaw kaysa naman wala gayuy adjustment sa suhulan sa mga empleyado.(Dave Silagan)
