General Santos City— Mukabat sa 231 ka mga posibtibong operasyon batok llegal nga sugal na ang napahigayon sa Gensan City Police Office gikan enero hangtud na karong bulana.
Sumala kang Police Chief Inspector Jovenson Bayona, Chief Of Operation sa GSCPO nga mukabat sa 128 ang mga nadakpan samtang 121 ang napasakaan ug kaso.
Ang maong kampanya ang ilahang pamaagi aron matabangan ang operasyon sa Small Town Lottery kon STL sa syudad ug mapa-undang ang operasyon sa illegal nga last-2.
Dugang pamahayag ni PCI Bayona nga atol sa ilahang gipahigayon nga mga inspection sa mga STL outlet, aduna pa silay daghang bayolasyon nga nakit-an.
Sama nalang sa mga STL outlet nga nahimutang sa mga lugar nga wala sa listahan nga gihatag kanila sa pcso ug trentro kung asa dili matud pa updated ang listahan nga ilahang gihuptan.
Gi-angkon man usab niini nga sa karon, anaa sa kapin 200 nga mga STL outlet na ang napahigayunan ug inspecton sa kapulisan.
