General Santos City–Gipaniguro ni Police Col. Aden Lagradante ang City Director sa General Santos City Police Office nga kontrolado gihapon sa PNP ang sitwasyon sa peace and order sa syudad ug walay angay kabalak-an ang katawhan.
Sumala pa niini nga nagpabling luwas nga kapuy-an ang syudad bisan paman ug adunay nahitabo nga mga pagpamusil diin pinakauwahing bitkima usa ka pulis.
Dugang pa ni PoliceCol. Lagradante nga normal gayud sa trabaho sa pulis ang mabutang sa alanganin ang ilahang kinabuhi ug bisan sila adunay mga armas dili malikayan nga sila mahimong biktima tungod kay armado usab ang ilahang kalaban.
Tungod niini nangayog tabang si Col. Lagradante sa katawhan nga tabangan sila sa pagmonitor sa palibot ug kung aduna silay makit-an nga kadudahang tawo sa o butang sa ilang lugar, gilayong isumbong ngadto kanila tungod kay ang kaluwasan sa syudad ang dili lang responsibilidad sa kapulisan ug uban pang law enforcement agency sanglit responsibilidad usab kini sa mga sibilyan.(Dave)
