General Santos City–Gibutyag ni Police Sr. Supt. Romeo Ruel Berango , Gensan City PNP Director nga ilang ipatuman ang kamanduan ni Gensan City Mayor Ronnel Rivera nga ipasara ang mga Small Town Lottery sa syudad.
Nasayran nga kagahapong adlaw, gipulong ni Col. Berango ang tanang mga Chief Of Police sa walo ka mga Police Stations sa Gensan hain gihisgutan ang pagpatuman sa pagpasara sa STL outlet.
Hangtud matud pa nga wala pay Concurrence gikan sa syudad ang operasyon sa STL dili una sila tugtan nga makaoperate.
Dugang pagbutyag ni Col. Berango nga usa ka hapsay nga operasyon batok sa STL ang ilang ipahigayon.
Dili matud pa sila manakop inay ila lang ipasabot ngadto sa mga staff sa STL nganong kinahanglan nga ipasara ang ilang outlet.
Paningkamutan matud pa nila nga walay mga kumusyon nga mahitabo sa ilang operasyon.
Gibutyag usab ni Col. Berango nga nagrequest na sila ngadto sa syudad ug mga tarpaulin nga ilang gaibutang atol sa pagpatuman sa pagpasara sa mga STL Outlet.
Samtang partner nila sa operasyon ang mga personahe sa City Permits and Licensing office sa pagpanguna ni mam Geraldine Zamora.
