General Santos City— Padayun pang nagpa-abot ang General Santos City Police Office ug kamanduan gikan sa kauluhan kabahin na sa pagbalik sa operasyon sa iligal nga druga ngadto sa kapulisan.
Sumala pa ni Police Senior Superintendent Romeo Ruel Berango, acting City Director sa General Santos City Police Office nga sa karon wala pa silay na dawat nga kamanduan nga magbalik na sila sa operasyon batok iligal nga druga. Apan gipaniguro ni Col. Berango nga kun ugaling aduna nay kamanduan gikan sa labaw sa kapulisan gilayun sila nga mutuman sa maong kamanduan.
Gi-angkun usab niini nga higayon nga ibalik na kanila ang war on drugs, dugang trabaho kini ngadto sa kapulisan, apan iyahang gipakalro nga andam sila nga mutabang sa gobyerno sa kampanya batok druga ug aminado siya nga kulang gyud ang ihap sa tropa sa PDEA.
Pamahayag niya nga dako ang mamahimong tabang sa kapulisan gumikan mas nasayid sila sa ilahang mga area of responsibility hilabina sa hisgutang street level pushing. (Dave Silagan)
