Patay sa nagluntad nga pagpangluthang kag pagpangbomba sa isa ka-Mosque sa Egypt, naglab-ot na sa 235

Naglab-ot na sa 235 ang patay samtang 100 pa ang pilason sa natabo nga pagpangluthang kag pagpangbomba sa isa ka-Mosque sa Sina province sa Egypt.

Ginakabig nga ini na ang pinaka-maduguon nga nagluntad sa nasambit nga lugar humalin sadtong 2013.

Nagpasalig naman si Egyptian President Abdul Fattah Al-Sisi nga magapanabat ang suspek sa krimen.

Sa karon, ginapatihan nga Islamic State ang responsable sa nasambit nga pagpangluthang kag pagpangbomba.