Magpagawas sa guidelines ang Department of Interior and Local Government o D-I-L-G para sa ipatumang pag armas sa mga Barangay Chairman sa tibuok nasud.
Matud ni D-I-L-G Assistant Secretary ug Spokesperson Jonathan Malaya, tumong niini nga masiguro nga insakto ug nahasubay ang pagpatuman niini.
Gibutyag ni Malaya nga magpagawas sa direktiba ang D-I-L-G human mabati ang panlantaw sa lain-laing stakeholders sa maong hisgutanan.
Alayon sa Section 387 sa Local Government Code, gitugutan niini ang pag isyu sa armas sa mga Barangay officials.
Gihatagan sa gahum sa balaod ang barangay kapitan nga mag armas samtang gihimo ang iyang tahas ilabina sa pagpatuman sa peace and order sa iyang lugar.
Sa panahon nga mapagawas na ang guidelines sa D-I-L-G, pwede na usab mag issue sa firearms ang L-G-Us sa mga barangay kapitan.
Gidugang ni Malaya nga mas gihatagan og importansya sa gobyerno karon ang kaluwasan ug seguridad sa mga barangay ug mga residente.
