Gipasabot ni Misamis Oriental Governor Bambi Emano ang guidelines sa community quarantine.
Matud ni Governor Emano nga adunay tulo ka kategorya sa quarantine nga mao ang community, general ug lockdown.
Sa community quarantine mahimong makagawas ang mga tawo sa ilang panimalay, general community- makagawas gihapon apan kung gikinahanglan lang, apan kung lockdown- dili gyud makagawas.
Kung hisgutan usab kung makasulod ba ang mga tao gikan sa laing probinsiya ug laing nasud, dili kini makasulod kung basehan ang tulo ka kategorya.
Samtang, gikumpirmar ni Governor Emano nga iyang gipaubos karon sa General community quarantine ang tibuok lalawigan sa Misamis Oriental.
Matud sa gobernador nga gaagad siya sa Inter Agency Task Force tungod kay kini ang ahensiya nga gitahasan ni Presidente Rodrigo Duterte nga morekomendar kung unsay ipatuman sa usa ka komunidad.
Dugang pa ni Governor Emano nga sa Misamis Oriental wala pay kumpirmadong kaso sa covid-19 ug wala usay gitawag nga local transmission apan nakaandam na ang iyang Executive order kung ideklara man ugaling ang lockdown.
