South Cotabato–Plastado na matud pa kang Father Angel Buenavidez, spokesperson sa Diocese of Marbel ang guidelines sa pagpatuman sa health protocols sa mesa de gallo alayon sa selebrasyon sa pasko luyo paman sa nasinatian karon nga COVID-19 pandemic.
Matud ni Father Buenavidez nga ilang gipatuman ang health protocols sa ginapahigayong liturgical celebrations sa mga simbahan ilawom sa Diocese of Marbel.
Sumala niini nga mamahimong makapahigayon ug mesa de gallo ang mga kapilya kon adunay pagtugot gikan sa parish priest ug kaya nila nga ipatuman ang mga health protocols.
Gikumpirma usab ni Father Buenavidez nga sundon usab sa simbahan ang gipatuman nga curfew hour sa mga local government units.
Samtang sa Disyembre 15 magsugod na ang mesa de gallo aron mahatagan sa igong panahon ang mga deboto.
Hangyo usab niini sa tanang nga adunay travel history, may sintomas, vulnerable person sama sa mga senior citizen ug mga kabataan nga dili nalang motambong sa mesa de gallo, aron nga malikay sa balatian.
Ang Simbang Gabi ang ginapahigayon panahon sa pasko nga nagasugod matag Disyembre 16 ngadto na sa Disyembre 24.
