General Santos City— Gipaklaro ni Police Chief Superintendent Jose Arnaldo Briones, Deputy Regional Director For Administration sa police regional Office 12 nga sa karon wala pay guidelines nga gipagawas ang National Headquarters alang sa subling pagbalik sa oplan tokhang sa kapulisan.
Pamahayag niya nga una ng gipatawag ang Deputy Regional Director sa PRO 12 nga si Police Senior Superintendent Johnson Almazan ngadto sa kampo Crame aron sa pagtambong sa coordinating conreference nga pangunahan ni PNP Chief Ronald Dela Rosa aron nga hisgutan ang pagpoahigayon ug tokhang.
Samtang sa unang migawas nga impormasyon nga walay pagahimuon nga tokhang panahon sa kagab-ihon ug matag weekends, kini ang dili pa niya makumpirma gumikan ilaha pang huwaton kung unsa ang mamahimong resulta sa maong coordianting conference.
Dugang pamahayag ni General Briones nga wala pa gyuyd magsugod ang kapulisan sa pagpahigayon ug tokhang sa rehiyon. Apan iyahang gibutyag nga ang ginahimo karon sa kapulisan mao ang pagpahigayon ug mga operasyon batok illegal nga droga kaabag ang PDEA.
Kung asa lakip sa ilahang ginahimo nga lakang mao ang pagserve ug mga search warrant ug ingon man pagpahigayon ug mas hugot nga checkpoint aron masigurong dili malutsan sa droga ingon man mga kriminal.
