Ginplastar ni Regional Director sang Land Transportation Franchising and Regulatory Board (LTFRB) Region 6, Richard Osmeña sa exclusive interview sang DYHB ang mga guidelines sa mga pampubliko nga salakyan nga magabiyahe sa pagsugod na sang general community quarantine (GCQ) sa probinsya sang Negros Occidental sa Mayo Uno.
Apang sa karon ginahulat pa sang LTFRB-6 ang mangin lihok sang LGU sa probinsya angut sa pagapatigayunon nga measures kag guidelines sa pagsugod na sang biyahe sang mga pampubliko nga salakyan.
Suno kay Osmeña, naka come-up na ang LTFRB sang draft guidelines matapos nga nagpatigayon sang meeting sini nga hapon kag sa mga posible nga ila ipatigayon sa maabot nga Mayo 1.
Nasaad sa guidelines ang mga masunod:
• 50 porsyento (50%) gid lamang sa passenger capacity sang dyip ang pwede maakumudar nga makasakay, buot silingon kun may yara sang byente (20) ka pasahero ang kapasidad sang salakyan, ini ang sarang gid lamang maka-karga sang napulo (10) ka pasahero.
• No face mask, no sanitizer, no travel policy, ang pasahero ang makasakay gid lamang kun nakasuksok sang face mask kag may yara sang sanitizer ang salakyan nga magamit sang pasahero. Ang indi magtuman sa sini nga order magapangatubang sang penalidad.
• Ang public utility jeepney’s (PUJs) dapat may yara sang marking ang pwde mapungku-an sang pasahero para mapatuman ang physical distancing.
• Ginakonsedera man ang pagpasaka sang pletehan bangud sa limitado gid lamang ang pwde nga makasakay.
• Bayad anay, antes sakay para mapaiway ang pagdaho-daho ukon pasa-pasa sang plete kag sinsilyo.
• Sa mga Taxi kag Grab vehicle, gina-limit gid lamang sa duha ka pasahero, apang kun may barrier sa tunga sang drayber kag pasahero sa frontseat ini ang pwede masakyan.
Kun ma finalize na ang ini nga guidelines, ini ang ipatuman sa bulig sang LTO, PNP kag HPG sa maabot nga GCQ sa probinsya.
[image: image.png]
