Davao City – Wala pay gipagawas nga opisyal nga anunsyo ang Regional Inter-Agency Task Force (RIATF) ug Regional Task Force (RTF) labot sa pagpatuman og uniform border control sa Davao Region.
Giklaro ni Davao City Mayor Sara Duterte-Carpio nga wala pay desisyon pinaagi sa resolusyon ang RIATF ug RTF labot niini sukwahi sa migawas nga mga impormasyon nga aduna nay ginapangayo nga rekisitos sama sa negative RT-PCR (reverse transcription polymerase chain reaction) test result pasulod sa rehiyon nga maoy nikatag karon sa social media.
“Anything nga kinahanglang i-implement sulod sa atong region, we should listen, wait and follow the RIATF ug the RTF. Kung walay ginasulti ang RIATF ug the RFT, then dili ‘ta dapat mag speculate or magpagawas og bits and pieces of incomplete information so that dili ma-confuse ang mga tao,” tataw ni Mayor Sara.
Gipasabot usab sa alkalde, ang Davao Region naglangkob sa Davao City ug mga probinsya sa Davao del Sur, Davao del Norte, Davao Occidental, Davao de Oro ug Davao Oriental.
Dugang niini nga walay angay ikabalaka sa biyahe sulod sa Davao Region diin kinahanglan lamang i-comply ang mga rekisitos nga ginapangayo sa matag Local Government Unit (LGU) sama sa QR Code.
RadyoMaN Kirby Manzon
