General Santos City–Kalisod sa kinabuhi, mao kini nag hinungdan sa paghikog sa usa ka ginang nga si Welma Flores, legal age, residenti sa Purok 6, Lanton, Barangay Apopong Gensan niadtong adlawng Hwebes.
Sumala sa igsuon sa biktima nga si Merlyn, daan nang nagsulti kaniya nag iyang manghod nga siya gikapoy na sa ilang kinabuhi gumikan sa tuman ka pigado. Nasayran nga si Welma adunay napulo ka mga anak ug pagpangahoy lang ang iyang panginabuhian.
Dugang pagbutyag ni Merlyn nga niadtong Lunes iya pang gihagad ang biktima nga muapply ug Canning aron nga makatrabaho para dugang income. Apan sumala sa biktima nga didto nalang kini muapply ug trabaho sa Poultry Farm nga duol sa ilang balay.
Aminado gyud si Merlyn nga nagsige na ug sulti kaniya ang iyang manghod nga siya gikapoy na gyud sa ilang panginabuhi hilabi na nga ang bana niini pangahoy ra sad ang panginabuhian ug usahay mag extra sa Vulcanizing Shop.
Gikumperma usab ni PO2 Vincent Teneso, Imbistigador sa Police Station 2 nga walay foul play sa kamatayon sa biktima.
Sa inisyal nilang imbistigasyon nasuta nga nagpadala pa ug txt ang biktima sa iyang anak nga dawsa nanamilit na.
Gani gibinlan pa niini ug kwarta ang iyang anak ug gibilin sab niini ang iyang ATM card sa iyang for Peace .
