BACOLOD CITY – Ginsuguran na kahapon ang pagpatuman sang gun ban diri sa ciudad sang Bacolod may kaangtanan sa ginasaulog nga Masskara Festival.
Ang amo nga gunban ang magalawig tubtub sa tungang gab-i sang October 23.
Ginpahayag nga bangud sa gun ban, ang mahimo gid lamang makadala sang armas sa Bacolod City amo ang mga law enforcement units nga ginalakipan sang police kag military sa tion sang ila official duty.
Nahibaluan nga gina-implement ang gun ban sa ciudad sa tagsa ka Masskara Festival agud ma maintain ang peace and order kag malikawan ang pagluntad sang maduguan nga insidente durante nga ginahiwat ang amo nga festivities tagsa ka bulan sang Oktubre.
KON IKAW PAHAMBALON, ANG PAGDALA BALA SANG ARMAS, DAPAT MAN IPAHANUGOT SA MGA TAWO NGA MAY PAMAHOG SA ILA KABUHI BISAN PA NGA MAY GUN BAN?
