Sugud karong adlawng Domingo, Enero 13, 2019 ipatuman na sa Commission on Election (COMELEC) ug PNP ang Gun Ban subay sa umaabot nga eleksyon karong Mayo ning tuiga. Sa impormasyon nga gipaabot sa Police Regional Office (PRO 13), mahimung epektibo ang Gun Ban hangtud sa Hunyo 12, 2019. Pinaagi niini, gidili ang pagdala ug arma; ang pagkuha ug body guards sa mga kandidato; pagkarga ug mga armas, bala, pulbura ug uban pa nga materyales para sa bomba. Suspendido usab ang pag-isyu, pagproseso, pag-aproba alang sa paghupot ug armas; permiso sa pagdala ug armas; mission order, memorandom receipt para sa mga tigpatuman sa balaod. Nagtangag ug silot nga usa hangtud 6 ka tuig nga pagkapriso; permanti ug dili na makaserbisyo sa goberno ingon man mawad-an na ug katungod sa pagbotar; pauli-on sa ilang kung ang nakasupak usa ka langyaw; permaninti nga dili na sarang ug takos nga motrabaho sa goberno. Tungod niini nanawagan ang PRO 13 sa publiko nga motabang sa pagbantay alang sa pagkab-ot ug kalinaw sa umaabot eleksyon.
Sent from my Samsung Galaxy smartphone.
