General Santos City— Kinahanglang imbestigahan pag-ayo sa kapulisan ang kaso ni Faisar Guiamat, 24 anyos nga residente sa Prk. Changco, brgy. Bawing ning dakbayan human migawas nga ang armas niini maoy gigamit sa pagpusil-patay kang PO3 Clark Bachoco nga chief intel kaniadto sa Police Station 5.
Sumala kang Gensan City Councilor Atty. Franklin Gacal Jr., Chairman sa Peace And Order saa konseho nga tungod sa maong mga insidnete, adunay dakong posibilidad nga adunay mga hired killers nga nagaluhikan sa dakbayan.
Gumikan kung basihan, ubay-ubay na ang mga kaso sa pagpamusil-patay sa dakbayan nga gikalambigitan sa riding in tandem criminals ug siya kumbinsido nga adunay grupo luyo niini, ug posibleng gikalambigitan usab sa nasangpit nga suspek.
Dugang pamahayag ni Kagawad Gacal nga kung hingusgan sa kapulisan nga walay unsa mang criminal group nga nagalikuhan sa syudad, kwestyon niini, unsa ang sa kapulisan aron nga masulbad ang tanang kaso.
Hagit niini sa Gensan City Police Office nga pamatud-an nga walay gun for hires nga nagalihukan sa dakbayan gumikan kung dili matud pa nila masulbad ang maong mga kaso, dili matud pa igo ang kapsidad sa kapulisan. Rason nga dili sila angayan nga magpabilin dinhi sa dakbayan.
Samtang sa kabahin sa Gensan City Police Office, gibutyag ni Police Chief Inspector Jovenson Bayona, tigpamaba sa GSCPO nga sa karon wala pa silay gigunitan nga datus nga adunay gun for hire sa Gensan.
Apan gibutyag niini nga ilahang ginahimo ang tanan aron nga masulbad ang tanang kaso sa dakbayan hilabina ang kaso sa mga pagpamusil. Pag-angkon niya ngaaron masulbad ang maong nga kaso. ilaha gyud gikinahanglan ang tabang sa pamilya ingon man mga posibleng testigo.
