General Santos City — Giangkon ni Police Senior Superintendent Romeo Ruel Berango, OIC City Director sa GenSan City Police Office nga adunay *Gun for Hire *nga naga-lihukan sa dakbayan sa GenSan.
Ang maong pamahayag ang migawas human ang sunod-sunod nga pagpamusil sa dakbayan kung asa sagad sa mga biktima ang gituuhang adunay kalambigitan sa illegal nga druga.
Basi sa datus sa GSCPO, ning bulan sa Agosto mukabat na sa pito ang naitalang pagpamusil kung asa upat niini ang konektado sa illegal nga druga sama nalang sa magsuong unang gipamusil sulod sa Aliwalas Spa sa may Pioneer. Ave. ning syudad, kung asa iyahang gikumpirma nga asset matud pa sa usa ka *law enforcement unit *apan wala na niini gihinganlan ang maong ahensya.
Dugang pa ni Col. Berango nga bisan siya ang naalarma sa sunod-sunod nga mga pagpamusil sa GenSan rason nga iyaha ng gihatagan ug direktiba ang tanang mga Chief of Police nga mas pahugtan ang pagpahigayon ug checkpoint.
Kini aron masigurong wala gyu’y makalusot nga mga kriminal, gumikan, kung adunay mga insidente sa ilahang area of responsibility, iyaha ng gimando ngadto sa tanang mga opisyal nga sulbaron gyud ang maong mga kaso.
Sa karon matud pa, gi-activate na sa kapulisan ang management team aron nga matutukan ang maong mga insidente kung asa kini ang gipangunahan sa mga Chief of Police, inabagan sa City Intelligence Branch ug IDMB.
Giangkon man usab ni Col. Berango nga aduna gyu’y kakulangon ang kapulisan gumikan dili man tanan ang ilahang matutukan tungod sa kulang nilang ihap ug kadaghan sa ilahang trabaho.
Rason nga apil niyang ginapangawagan ngadto sa katawhan nga tabangan usab sila sa pagbantay sa siguridad gumikan kini ang responsibilidad sa tanan ug dili lang sa mga law enforcers ug men in uniform.
