Shipment ban para sa mga poultry supply ginduea eon, pero may kondisyon

KALIBO, AKLAN — Ginduea eon ro shipment ban para sa mga poultry supply pero raya hay may kondisyones.
Suno kay Dir. Remelyn Recoter, Executive Director it Departmant of Agriculture Region 6 nga ro pagduea ko shipment ban hay nag-umpisa ko Agosto 22, pinaagi man sa order ni Agriculture Secretary Emmanuel Piñol.
Ro pagkaon it mga poultry products hay ginapahinugutan eon pero raya hay tag mga lugar nga sa guwa it 7-kilometer radius quarantine zones samtang ro mga lugar nga nakasueod pa sa 7-kilometer radius quarantine hay ginabawae sa gihapon.
Dapat nga ro mga gina biyahe sa guwa it Luzon nga mga poultry products kamana kung manok, ducks ag itlog hay ma validate ag ma silyohan anay it mga quarantine officers.
Samtang iya sa Caticlan Jetty Port ag iba pang port ag airport sa Aklan hay 24/7 man ro monitoring nga ginapatigayon it mga quarantine officers para mamonitor ro mga naga sueod nga poultry products sa probinsya it Aklan.