General Santos City— Nadala sa Dr. Jorge P. Royeca Hospital ang usa ka gwardiya sa usa ka dakong mall ning dakbayan human kining gitabangan ug kulata dayon gidunggab alas 3 pasado ang takna sa kadlawon sa may highway nga bahin sa Brgy. Lagao.
Ang biktima naialng si Beynie Araton, 28 anyos nga residente sa Prk. 2, Tinagacan ning dakbayan sa Gensan.
Sa inisyal nga imbestigasyon nag-inom ang biktima sa may 7/11 sa may brgy. Lagao kung asa aduna matud pay natigayon nga rumble sa mga kabataan ug igo lang kining mi-ulang.
Apan inay nga maundang, siya maoy napahimungtan ug nakulatahan kung asa gidunggab pa kini sa sumala pa grupo ni Rolee balayo, 22 anyos nga taga San Pedro St. Brgy. Lagao.
Sa karon, ginasuta pa kung si kinsa gyud ang midunggab sa biktima kung asa kini ang nakaangkon ug samad sa likod nga bahin.
