Wala na sang kabuhi sang masapwan ang guwardiya nga gin-alegar nagpanginmatay, las-7:00 kaina sang aga, Disyembre 25 sa atubang sang Halong Cement Ground Warehouse, Bredco Port, Brgy. 2, Bacolod city.
Ginkilala ang biktima kay Piji Escalante, 35-anyos sang La Castellana, Negros Occidental kag temporaryo nga naga-istar sa Purok Jalandon, Brgy. 6, Bacolod City. Sa inisyal nga imbestigasyon sang Police Station 2, nasapwan ang bankay sang biktima sang iya live-in partner nga si Rona Taliseo.
Nasapwan ang bangkay nga may nakahigot nga sako sa iya liog kag nagabitay sa kawayan apang halos nagaluhod na ini. Las-8:00 sang gab-i sang Disyembre 24, hubog ang biktima sang nag-away sila sang iya live-in partner. Naglakat ini kag ginbilin ang iya kagamitan kag armas. Wala naman sang nakit-an ang kapulisan nga sign of struggle sa biktima.
[image: image.png]
