General Santos City—posibleng biktima sa mistaken identity ang gwardyang si Rey Duco Gulipata, 36 anyos nga taga Barangay Fatima Gensan kansa una nang gipusil sa may Aradaza St. Corner Rivera St., Brgy. Lagao Gensan niadtong nakalabayng gabie.
Sumala kang Police Chief Inspector Peter Pinalgan Jr, ang hepe sa Police Station 3 nga basi sa ilahang inisyal nga imbestigasyon, usa lang ka igo pinusilan ang naangkon sa biktima sa tuo nga bahin sa iyahang abaga.
Basi usab sa pamahayag sa biktima nga human ang unang buto, gitan-aw pa siya sa suspek ug dayon misibat sa wala masutang direksyon.
dugang pamahayag ni PCI Pinalgan nga gibutyag sa biktima nga wala siya’y nasayran nga iyahang kaaway nga posibleng maghimo sa ingon, rason nga blangko matud pa kini sa tinuuray nga motibo sa pagpamusil ngadto kaniya.
Sa karon nagpadayon gihapon ang gihimong imbistigasyon sa Police Station 3 aron nga masayran ang ilhanan sa mga suspek nga responsabli sa krimen. (Dave Silagan)
