General Santos City—Gipangita na karon sa mga kapulisan ang usa ka security guard human gikawatan niini ang Gasoline Station nga iyahang ginabantayan nga nahimutang sa Barangay Labangal, General Santos.
Subay sa police report sa Makar PNP ang sekyu nga myembro sa Bantay Salakay mao si Guilial Paglala, hamtong ang panuigon, nga lumad nga taga Palimbang Sultan Kudarat.
Sa imbestigasyon sa Police Station 2, nga personal matud pang nagpatala ang tagdumala sa Gasoline Station aron isumbong ang pagkawala sa ilahang kwarta nga mukabat sa P200,000 nga halin sa gasolihan nga nakabutang sulod sa vault.
Gibasihan sa tagdumala nga ang suspek sa pagpangawat ang ilang gwardiya tungod sa kuha sa CCTV Camera nga pagsulod niini sa kahera og nakita matud pa ang dagway niini una pa man nataptapan sa kawatang gwardiya ang CCTV aron itago unta ang iyahang pagtaki sa gasolinahan.
Apan una pa man nahitabo ang pagkawagtang sa kwarta sa gasolinahan, nanawag matud pa ang sekyu ngadto sa ilang liaison officer nga mupahawa na kini sa iyahang trabaho og muoli na sa iyahang Probinsiya sa Palimbang Sultan Kudarat. Nawagtang matud pa ang kwarta human sa pag duty sa bantay salakay nga gwardiyang si Guilial Paglala. (Emir Bariquit)
