Gwardiya nga gipusil patay, istrikto sa mga sakop

Sobra ka istrikto sa pagdala sa iyang mga sakop ang gipusil nga gwardiya kagabei sa Barangay Agusan ning syudad.

Kini ang gibutyag sa usa ka ginganlan nga ‘’Robocop’, kinsa nagtrabaho sulod sa planta sa Pepsi ning syudad.

Matud ni Robocop nga dili lang ang iyang mga sakop ang gakontrahon sa biktima nga si Christopher Erana, kondili apil na ang mga trabahante.

Dugang pa ni Robocop nga wala pay bulan nga gibutang isip head guard sa planta sa Pepsi si Erana.

Nasayran nga sa Del Monte pa nagtrabaho ang biktima, gikulata kini sa mga trabahante hinungdan nga gibalhin sa planta sa Pepsi.