Patay ng nakit-an kaganinang buntag ang usa ka lalaki, sulod sa iyang kwarto sa Zone 1- Adela Subdvision ning syudad.
Biktima naila nga si Jason Ladao, 31 anyos, gwardiya sa Northern Mindanao Medical Center kon NMMC, taga Sagay Camiguin Province.
Nasayran nga ulahing nakit-an ang biktima niadtong Huwebes sa gabei nga hubog.
Matud ni PO3 Romel Uayan, ang imbestigador sa Cogon Police Station, nga nanimaho, niburot ang lawas, ug nausab na ang kolor sa biktima dihang madiskubrehan.
Samtang sige matud pa og tawagan sa asawa nga si April Lumacang nga taga Sagay Camiguin ang biktima.
Kini ang gibutyag ni Mrs. Lita Bote, ang tag-iya sa balay nga gipuy-an sa biktima ug iyaan sa asawa ni Ladao.
Sa imbestigasyon sa Scene of the Crime Operatives kon SOCO, anaa na sa state of decomposition ang biktima, ug gibana-bana nga anaa sa duha o tulo ka adlaw na nga namatay.
Wala usay nakit-an nga samad sa lawas sa biktima, apan ipaubos gihapon kini sa otopsiya tungod sa pagdako sa kinatawo niini.
