Patay nang nakit-an sulod sa Isuzo nga truck ang 42 anyos nga gwardiya sa Japnar truck corporation m mga alas 7 ganinang buntag.
Biktima nailang si Danny Llarinas, minyo apan bulag sa asawa ug residente sa barangay Gusa ning siyudad.
Matud sa ka-relibo niining si Rodel Odarbe, sa iyang pag-abot sa area iyang gipangita si Llarinas ug didto iyang nakit-an nga nagkadugo na kini sulod sa truck.
Sa gihimong pakigsusi sa kapolisan, nasutang dunay buslot sa drivers side sa sakyanan ug padayon nilang gisuta kung agi ba kini sa bala.
Samtang, gibutyag ni Police Major Julius Clark Prisco Macariloa, ang hepe sa Police Station 3 Agora nga ilang nakita sa area ang basyo sa bala sa 9mm rifle.
Sa karon, padayon pa ang gihimong imbistigasyon kung unsay hinungdan sa kamatayon sa biktima.
