Sa interbyu sa DXDC RMN Davao kang Police Captain Ronnie Batingal Deputy Chief sa Talomo Police Station gisulti niya, kasong homicide ang ipasaka batok sa suspek.
Segun ni Batingal, subay sa imbestigasyon, adunay panagbangi sa mga residente nga nagpuyo sa pribadong luna nga gibantayan sa suspetsado ug posibleng gisita ang biktima kung unsay sulod sa gidala nga sako nga misangko sa panaglalis nga miresulta sa pagpusil sa gwardya sa biktima.
“Basin posible pod nga gipusil siya (kay) naa siguroy attack sa pikas kay naa man gud na rekober sa biktima nga screwdriver nga nakuloban niya”,sulti ni Batingal.
Nahinabi usab sa DXDC News Team, ang suspek nga si Pagagongan nga matud niya, self defense lang ang iyang gihimo.
Hustisya karon ang singgit sa pamilya sa biktima og dili mabayran ang kinabuhi sa ilang amahan human kini gipusil patay sa gwardya.
RadyoMaN Don Pulayao
