Habal-habal driver arestado sa kasong rape sa ilsa it Boracay

Malay, Aklan – Arestado it mga kapulisan rong sangka habal-habal driver nga wanted sa kasong rape kahapon sa Brgy. Balabag, Boracay, Malay, Aklan.
Nakilaea rong akusado kay Jovenson Columbres, 29-anyos, tubong Buenasuerte, Nabas ag temporyo nga naga istar sa Sitio Pinaungon Ibabaw sa nasambit nga isla.
Gin-aresto si Columbres pinaagi sa bisa kung Warrant of Arrest nga may Criminal Case no. 14672 sa kasong pagbayolar sa Republic Act 8353 ukon RAPE nga gin isyu ni Hon Judge Bienvenido P. Barrios, Presideng Judge of RTC 6, Branch 3, Kalibo, Aklan nga may petsang Marso 14, 2019.
Uwa it pyansa nga gintaeana rong korte para sa anang temporaryong kahilwayan.
Nasayuran nga ginkasuhan rong suspek it ana mismong live-in partner matapos nga madakpan imaw nga nkikipaghilawas sa unga it anang live-in nga 15-anyos sa unang asawa ko 2015.
Si Columbres hay igaturn-over man sa korteng natungdan.

Facebook Comments