General Santos City— Dakpan sa gipahigayon nga buybust operation sa Police Station 4 ang usa ka Ric Silapan, 33 anyos nga residente sa Hermosa Sudb. Brgy. City Heights ning dakbayan.
Sumala kang PO3 Joselito Medalle, imbestigador sa Police Station 4 nga alas 3 pasado ang takna sa hapon dihang gipahigayon ang buybust operation sa may Salvani St. atubangan sa usa ka iladong tunghaan.
Kung asa napalitan ug usa ka sachet sa gituuhang shabu kantidad 500 ka pesos ang suspek ug narekober ang laing duha pa ka sachet. Dugang pamahayag ni Medalle nga sa karon dili pa niya mabutyag kung anaa sa ilahang watchlist si Salipan.
Samtang gibutyag niini nga depensa nalang sa suspek ang mga alibi nga dili iyaha ang tulo ka sachet nga narekober.
Kasong paglapas sa Sec. 5 sa R.A 9165 ang atubangon sa suspoek nga kasamtangang balhog sa lock up cell sa Police Station 4.
