General Santos City— igo nalang sa pagpatala sa buhatan sa Police Station 5 ang usa ka habal-habal driver human nga giilugan ug motorsiklo sa iyang pasahero.
Ang biktima giilang si Huhammad Sala , 50, residenti sa Employes Vill., Barangay Fatima Gensan.
Alas 10:40 pasado sa gabie sa nakalabayng adlaw nakuha sa biktima ang iyang pasahero sa Purok Acharon, Barangay Calumpang atubangan sa 4 sister video-k bar ug nagpahatod ngadto sa purok Estrella, Barangay Calumpang apan pag-abot sa ngitngit nga lugar, didto na gidot-an ug wala matinong pusil ang kilid sa nasampit nga biktima dungan sa pagdeklara ug carnap.
Tungod sa tumang kahadlok, igo nalang minaug ang biktima sa iyang motorsiklo nga XRM-125 nga may plate no. MQ7478. Ayha misibat ang suspek, nisuway pa kinig pabuto sa iyang pusil apan nipalya ang armas niini ug wala nibuto.
Gipakagiw nalang niini ug padagan ang motorsiklong iyang giilog sa biktima sa wala sayring lugar. Ang biktima niadotng tungura, paspas nga mireport sa kapulisan bahin sa insidenti aron marespondihan apan pakyas sila nga kini madakpan. Sa karon padayon ang gihimong imbistigasyon kalabutan sa insidenti.
