General Santos City—Patay ang usa ka habal-habal driver human kining gipusil sa wala pa mailhing suspek alas 6:45 ang takna sa gabie adlawng Domingo sa may Block 5, Purok San Miguel, Barangay Calumpang, Gensan.
Giila ang biktima nga si Armand Ponteres, 43, residenti sa Block 4, Purok San Miguel, Barangay Calumpang.
Sa initial nga imbistigasyon sa Police Station 5 nasuta nga naghuwat ug pasahero ang biktima sa Maong lugar dihang kalit lang kining gipusil sa wala mailhing suspek gamit ang kalibre 45 nga pistola.
Nakaangkon ug samad sa iyang ulo ang biktima nga hinungdan sa iyang kamatayon.
Sa karon nagpadayon pa ang gihimong imbistigasyon sa kapulisan kalabutan sa maong insidenti.
Facebook Comments
