General Santos City–hustisya karun ang gustong maangkon ni Helen Oriales ang asawa sa kolektor ug gikaingon usab nga asset sa pulis nga si Armando Oriales nga nanimuyo sa block 5 Fatima Gensan, kansa gipusil patay sa wala pa mailhing suspek niadtong adlaw nga Biyernes sa may diversion road, Sinawal, Gensan
Sumala pa sa asawa niini nga alas 8 sa gabie niadtong adlawāng Biyernes milakaw ang iyang bana sa ilang panimalay gumikan kay duna matud pay nagtawag kaniya nga gustong makipagakita sa iyang bana ug wala siya nasayod kung unsa ang ilahang transaksyon.
Saysay usab sa nasampit nga asawa nga nakatawag pa siya sa iyang bana pasado alas 11 sa gabie niadtong higayona ug miingon pa kini nga pauli na siya apan natingala na lamang ang asawa niini kay nagbuntag na lang wala pa kauli ang iyang bana
Dugang pa ni Helen nga natingala na lamang siya tungod kay nagbuntag na lamang wala pa nakauli ang iyang bana sa ilang panimalay human nga ulahi niya kining naestorya sa cellphone.
Pagpaklaro usab sa nasampit nga asawa nga iya pang gitawagan ang amo sa iyang bana aron mangayo ug tabang sa pagpangita niadtong higayona apan nakaplagan na lamang kini nga walay na kinabuhi sa may Diversion Road, Sinawal nga dunay igo pinusilan sa bahin sa iyang nawong.
Samtang saysay usab sa asawa nga usa ka buotan ang iyang bana ug wala kini may nakalaban sa trabaho isip kolektor ug ang iya lamang gayud gituohan nga hinungdan sa kamatayon sa iyang bana ang gikaingong pagka asset niini sa pulis. (Reynald Timario)
