Hagna para sa pagpatukod sang Bacolod City General Hospital pasado na sa Senate committee level

25

Gin-aprubahan na sang Senate Committee on Health and Demography ang hagna para sa pagpatukod sang Bacolod City General Hospital.

Ang House Bill 6731 ang gin-author ni Bacolod Congressman Greg Gasataya kag ang Senate Bill 1647 naman ang gin-author naman ni Senate Majority Leader Juan Miguel Zubiri.


Ginpamunuan ang public hearing sa Senado kaina sang aga ni Senator Christopher Bong Go nga chairman sang komitiba.

Ginpahayag ni Congressman Gasataya sa senador nga madugay na nga handum sang pumuluyo sang Bacolod City ang makaangkon sang kaugalingon nga ospital bangud ang Corazon Locsin Montelibano Memorial Regional Hospital lang karon ang naga-isahanon nga public hospital nga nagaserbe indi lamang sa mga pasyente gikan sa Bacolod kundi sa bug-os nga Negros Occidental.

Ginpasalamatan man ni Gasataya si Senator Go sa bulig nga ginhatag ni Presidente Rodrigo Duterte sa Bacolod City matapos ang pagsaka sang mga kaso sang COVID-19 sa siudad sang nagligad nga bulan sang Setyembre.

Nagtambung man sa public hearing si Health Secretary Francisco Duque III nga damlag pa nagpabutyag sang suporta kay Gasataya sa pagbulig para sa pagpatukod sang ospital.




Nagapasalamat man si Gasataya sa suporta ni Bacolod Mayor Evelio Leonardia kag sang Sangguniang Panlungsod sang Bacolod para sa nasambit nga proyekto.

Ang nasambit nga hagna ang gin-file ni Gasataya sa House of Representatives sang bulan sang Hulyo sang nagligad pa nga tuig antes pa nagluntad ang COVID-19 pandemic.

Napasar ang HB 6731 sang Hunyo 4 sini nga tuig kag karon nga pasado na ini sa committee level sa Senado natalana ini nga i-schedule para sa second kag third and final reading tubtub nga mapasar ang hagna kag mapirmahan ni Presidente Duterte.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments