Usa ka halapad nga lihok protesta ang nakatakdang ipahigayun sa Caraga Region karong adlawng Huwebes, Septembre 21 ning tuig subay sa ika-45 nga anibersaryo sa pagdeklara ug Martial Law ni kanhi Pangulong Ferdinand Marcos.
Nakasentro ang lihok protesta sa rehiyon didto sa dakbayan sa Surigao ug sa dakbayan sa Butuan nga salmotan sa nagkadaiyang sector ug hut-ong sa katilingban ug mga progresibong grupo.
Sigun ni Alvin Egay, spokesman sa Kabataan Caraga nga isinggit sa ilang grupo atol sa lihuk protesta ang pagsupak sa palisiyang pagpatay sa mga drug suspek nga gipatuman karon sa gobyerno nga miresulta sumala pa sa pagtaas sa kaso sa Extra-Judicial Killings (EJK), ang paggahin ug 1000 pesos nga budget alang sa Commission on Human Rights (CHR), ang deklarasyong Martial law usab ni Pang. Rodrigo Duterte dinhi sa Mindanao ug uban pa’ng mga isyung sosyal.
Malaumon ang grupo nga magmalampuson ang nakatakdang lihuk protesta nga dungan himoon lukop sa nasud.
