BACOLOD CITY – Soltero nga naghalin sa isa ka Christmas party, pagpauli natiruhan sang isa ka wala makilala nga suspek pasado las 7 kagab-i sa Brgy. Mansilingan.
Nakilala ang biktima nga si Michael Gabelinio, 23 anyos, residente sang Paglaum Village, Brgy. Mansilingan, ciudad sang Bacolod.
Suno sa biktima nga ini siya ang buot na kuntani nga magpauli sakay sa iya bisekleta halin sa balay sang iya kaupod sa trabaho sa Cottage Road, Barangay Mansilingan kon diin ini sila ang nag-inom inom.
Apang sa iya pagsakay sa iya bisekleta ini siya ang natumba kag ginpalapitan sang suspek sa diin nagpensar ang biktima nga buligan siya, tig-aylo ini ang ginsumbag pa.
Apesar sini, nagpadayon lang sa pagsakay sa iya bike ang biktima kag nagpauli apang sa pag-abot sa atubang sang isa ka subdivision sa provincial road sa Mansilingan, ini siya ang gintiro sang suspek bangud nga ginsundan gali ini sakay sa motorsiklo.
Nag-agkon sang pilas sa iya tangkugo ang biktima kag gindala sa Corazon Locsin Montelibano Memorial Regional Hospital./dyHB BACOLOD
