Kaso it suspected nga tipdas sa probinsya it Aklan nag-abot eon sa 60, Malay may pinakamaabo nga narekord

18

Kalibo, Aklan – Nag-abot eon sa 60 ka kaso it suspected nga tipdas rong naha rekord it Provincial Health Office (PHO)-Aklan umpisa Enero 1 hasta March 5, 2019.
Suno kay Dr. Cornelio “Bong” Cuachon Jr., Provincial Health Officer 1 it PHO-Aklan nga base sa andang rekord ro banwa it Malay rong nagapanguna nga naka rekord it 25 ka kaso, ginasundan it banwang Kalibo nga may 13 ka kaso ag Balete nga may 6 ka kaso.
Samtang rong mga banwa nga uwa pa it na rekord nga kaso hay ro Altavas, Buruanga, Lezo, Madalag ag Makato.
Sa numero ngara, 44 kara rong 5 yo panaba; 24 ro 5 yo pataas samtang naka rekord mat- a it 11 sa 9 mos panaba.
Nag-abot mat-a sa 30 rong na confined sa hospital bangud sa complications ag 38 ro out patient.
Sa makaron hay sigidas rong ginapatigayon nga monitoring it PHO-Aklan sa mga lugar nga may kaso it tipdas para nga indi eon raya mag-eapta pa.
Nagpaabot man sanda mga ginikanan kon makitaan it sintomas it tipdas ro andang mga unga kapareho kung mataas nga eagnat, ubo, sip-on, pagpuea ag pageoha-eoha it mata ag pagasundan it pantal sa panit nga kaeabanang naga eapta umpisa sa itsura paadto sa ibang parte it eawas hay magpakonsulta sa doctor.
Nakakatapon rong tipdas pinaagi sa pag-ubo, pagbahaon ukon pag hatching pati man ro mga fluid halin sa ilong ag tutunlan.
Pwede nga matapnan kara ro ibang tawo halin ap-at nga adlaw bago mag eotaw rong pantal hasta ap-at man nga adlaw pagkatapos raya mag eotaw sa panit.
Gina ingganyo man nanda ro mga ginikanan nga kon pwede pabakunahan ro andang mga unga para malikawan nga matapnan it nasambait nga masakit kon sa siin libre raya halin sa mga health center.
Sa makaron uwa pa man it narekord nga namatay bangud sa nasambit nga masakit iya sa probinsya it Aklan.

Facebook Comments