LA CARLOTA CITY – Indi maagwantahan nga baho nagresulta sang nagkalalukmat nga mga balatian, reklamo karun sang mga pumoloyo sang Sitio Bucalan, Barangay RSB syudad sang La Carlota.
Ini matapos nga padayon ang pagsungaw sang baho gikan sa Roxol Bioenergy Corporation.
Sadtong tinalikdan nga Enero 13, 2018 napuhag ang mga pumuluyo sang Barangay II, Zone 5 Kawayanan sa syudad sang La Carlota matapos nga nagpagwa ang Roxol sang tuman ka baho kag mahigko nga tubig nga nag-agi sa dalagko nga mga kalog sa ila lugar.
Madumduman sadtong Nobyembre 16, 2017 ginpasira na ini sang lokal nga panguluhan sang La Carlota apang liwat naman nga nagbukas matapos nacomply ang pila ka mga rekisitos.
Sa karon nagapanawagan ang mga pumuluyo sa palibot sang Roxol nga kuntani mangin responsable man ini para matapna ang pag alisngaw sang indi maagwantahan nga baho nga ginatuaan sang balatian sang mga pumuluyo sa palibot sini.
Wala pa sang pahayag ang Roxol sa reklamo sang mga residente.
