![Valencia City Police Station.png](https://i0.wp.com/rmn.ph/wp-content/uploads/2019/08/Valencia-City-Police-Station.png.jpg?resize=696%2C365&ssl=1)
Giklaro ni Police Lt. Col. Surki Sereñas ang Chief of Police sa Valencia City Police Station nga wala nila presoha ang mga chinese nationals nga ilang gipaubos sa imbestigasyon.
Gibutyag niini, nga igo lamang nila silang giimbita ug sa karon ila nang gi-turnover sa Bureau of Immigration kon B-O-I aron madeterminar kung unsay kulang sa ilang mga papeles.
Dugang pa sa maong opisyal nga gitagaan usab nila sila og warning tungod kay kadaghanan niini mga turista ug dili angay magtukod og negosyo.
Samtang, nalipay usab ang Bureau of Immigraiton nga nakig-koordinar kanila ang kapolisan sa Valencia City ug gi-turnover kanila ang maong mga chinese nationals.
Gani, giklaro ni Lt. Col. Sereñas nga nag-request pa sila sa B-O-I og tawo nga makauban sa kapolisan atol sa ilang operasyon.
Sa karon, gitagaan na sa panahon ang mga chinese national nga maka-comply sa ilang requirements, ilabina alang sa pagsulod sa Pilipinas ug uban pa.
Nasayran nga kasagaran kanila nga mga langyaw ang gakabiktima sa extorsion, ilabina niadtong mga tawo nga gagamit sa pangalan sa gobyerno.