Niabot sa halos 300 nga mga residente sa Barangay Patag ang nisaksi sa gihimong dxCC-RMN Cagayan de Oro Live sa Barangay kaganihang buntag.
Nahatagan og kahigayonan ang mga residente ingon man mga opisyales sa barangay nga mapaabot ang ilang mga hangyo sa mga department heads sa city hall.
Gawas sa mga department heads, mitambong usab sa kalihukan silang Konsehal Reuben Daba, Konsehal Romeo Calizo, Konsehal Ma. Lourdes Gaane ug Konsehal Alam Lim.
Nahatagan sa mga ginagmayng pahalipay ang mga residente, nakapahimulos sa libreng snacks, libreng arroz caldo, libreng ibot sa ngipon, libreng Philhealth registration, libreng late registration sa mga taga Cagayan de Oro, libreng reading eye glasses ug uban pang serbisyo nga gihatag sa lain-laing departamento sa city hall.
