By: Joanna Ricote
Gi turn-over sa Radio Mindanao Network Foundation Inc. ug Metrobank Foundation Incorporated ang hand washing facility sa Fr. William Masterson SJ, Elementary School, kaganinang buntag.
Matud ni Mr. Rey Maraunay, ang station manager sa RMN-CDO, nga usa kini sa mga pama-agi aron ipakita sa katawhan ang pasalamat sa RMN sa padayon nga pagsuporta niini sa maong istasyonan.
Nasayran nga katimbang sa RMN Foundation Inc. ang Metrobank Foundation Inc., kung asa naghatag usab kini og laing hand washing facility sa Cebu City ug Metro Manila.
Usa usab kini sa pama-agi aron makat-onan sa mga estudyante ang proper handwashing.
Matud ni Ms. Catalina Oliveros, ang School Principal sa Fr. William Masterson SJ, Elementary School, nga makahimulos niini ang kapin 1,700 nga mga tinun-an.
Dugang pa nga nagpahigayon og feeding program ang RMN-CDO, alang sa maong mga estudyante sa tabang sa Botoy’s Lechon Manok Barbecue and Liempo ug City Social Welfare and Development Office o CSWD sa pagpanguna ni Mr. Teddy Sabugaa.
