Hangyo nga ideklarang state of calamity ang Mulmac, Macabalan, wala pa niabot sa konseho

Wala pa niabot kang Konsehal Alam Lim nga ang Chairman sa komitiba sa Barangay Affairs sa konseho, ang planong paghangyo ni Kapitan Norbel Saa sa Barangay Macabalan nga ideklarang state of calamity ang portion sa Barangay particular ang Mulmac.

 

Matud ni Kon. Lim nga una kana nga ideklara sa barangay ayha ipasa sa iyang komitiba, aron nga siya usab ang mag-indorso niini sa konseho ug mabuhatan og resolosyon.

 

Dugang pa ni Lim nga adunay ayuda ang syudad alang sa mga biktima sa kalamidad, sama sa cash, bugas ug mga de lata.


 

Giklaro ni Kon. Lim, nga ang cash assistance, mao kini ang gamiton sa mga biktima alang sa subling pagtukod sa ilang mga panimalay.

 

Samtang gikompirma ni Kon. Lim nga adunay mga area diri sa syudad nga pwedeng mabutangan sa mga biktima.

 

Matud ni Kon. Lim nga nag-land banking karon ang syudad ug daghan na silag naaprobahan sa pagpalit sa yuta.

 

Dugang pa niini, nga kinahanglan lamang sa mga biktima ang gamay nga pasensiya sa pag-follow up niini sa syudad, aron nga matagaan sila sa mga saktong requirements.

 

Nasayran nga kung maaprobahan ang ilang mga dokomento, automatic na nga matagaan ang mga biktima og relokasyon.

Facebook Comments