Alang nila Senador JV Ejercito ug Senador Grace Poe, mas maayong tun-an og maayo ang hangyo sa sektor sa mga mamumuo nga umento sa sweldo tungod sa padayong pagtaas sa presyo sa mga palaliton.
Gipasabot ni Senator Ejercito, angay nga mahimong balanse ang dugang sweldo aron dili moping-it ang mga negosyo o mga kompanyang nagpasweldo sa mga mamumuo.
Suportado usab ni Senator Poe nga dunay insaktong sweldo ilabina kung walay mahimo ang gobyerno sa padayon nga pagtaas sa inflation rate.
Pero matud ni Poe, mas maayong hulaton ang pagtuon nga gihimo sa wage boards.
Girason pa ni Poe nga bisan ang mga negosyante naigo usab sa nitaas nga presyo sa palaliton sa nasud.
Facebook Comments
