Hapsay Highway uban ang RTA, ipatuman sa LTO

Plano karon sa Land Transportation Office o LTO Region 10 nga ibalik ang pakigtimbayayong sa Roads and Traffic Administration o RTA ning syudad.

Kini ang gibutyag ni LTO Director Oscar Salcedo sa interview sa dxCC-RMN karong buntag.

Matud ni Salcedo nga ipatuman nila ang Hapsay Highway uban ang RTA human sa kapistahan ni Sr. San Agustin ang patron sa Cagayan de Oro.

Pero giklaro niini nga sa karon nagpadayon ang LTO sa pagpatuman sa Republic Act 4136 o nailang An Act to Compile the laws relative to Land Transportation and Traffic Rules to create a Land Transportation Commission and for other purposes.