Head sa PDRRMO Misamis Oriental, nasubo sa pagkasikop sa ilang weather monitoring chief tungod sa druga

17

Gikasubo ni Provicial Disaster Risk Reduction Management Office kon P-D-R-R-M-O Head Jun Dy nga aduna silay kauban sa buhatan nga nasikop tungod sa ilegal nga druga.

Hinuon, gibutyag ni Jun Dy nga aduna may due process ang gobyerno busa ila kining ipaagi sa insaktong proseso aron masayran ang tinuod nga binuhatan sa ilang weather monitoring chief nga si Virgil Lago.

Gibutyag ni Sir Dy nga dili sila makatuo nga nabuhat kini ni Lago tungod kay maayo kini sa iyang trabaho, gani na-accomplish niini ang tanan niyang trabaho sa ilang buhatan.

Gani karon pa sila masayod nga naggamitan diay si Lago sa illegal nga druga hinuon adunay panahon nga mabantayan kining sayo motunga sa ilang opisina bisan kon dili pa oras sa tingtrabaho.

By: RadyoMaN Ellah Baculio

Facebook Comments