Giangkon ug gideklarar sa mga health officials nga duna nay local transmission sa Coronavirus disease o COVID-19 dinhi sa Cagayan de Oro.
Matud ni Dr. Teodulfo Joselito Reyuta, Epidemiologist sa City Health Office o CHO nga kini tungod kay dili na masubay sa ilang active contact tracing operation kinsay nakatakod sa tulo ka mga covid patients ning syudad nga namatay human nagpositibo sa Covid-19.
Lakip sa tulo ka mga pasyenteng dili na masubay sa contract tracing mao ang pasyenteng namatay sa Sitio Pinikitan, Barangay Camaman-an, 21 anyos nga lalaking nadisgrasya sa Barangay Lumbia ug ang pasyenteng taga Barangay Carmen nga namatay sa maong virus.
Gibutyag ni Retuya nga gihimo na ang tanan sa CHO apan dili gihapon ma-trace sa mga health volunteers kinsay nakatakod ug asa natakdan sa COVID-19 ang maong mga pasyente.
Gidugang ni Dr. Retuya nga gawas niini, walay travel history ang tulo ka namatay nga mga pasyente.
-o0o-
