Gimandoan ni Mayor Oscar Moreno ang mga health officials ug kapolisan nga i-lockdown ang Zone 2 barangay Agusan ning syudad.
Kini nga mando pinaagi sa iyang gipakanaog nga Executive Order kon E-O kagahapon sa hapon.
Ang mando ni Moreno human gikumpirmar sa Department of Health nga nagpositibo sa Covid-19 ang usa ka 44 anyos nga babayeng Cashier sa usa ka kompaniya ning syudad.
Basi sa iyang E-O gipasiguro ni Mayor Moreno nga walay makasulod ug walay makagawas sa Zone 2, Barangay Agusan kon asa nagpuyo ang maong Covid positive Patient.
Matud sa mayor nga ang iyang E-O iya kining ipadala sa Regional Inter-Agency Task Force aron iyang ipahibalo ang IATF nga iyang gi-localized containment ang Zone 2 sa Barangay Agusan.
Hinoon gipasabot sa mayor nga manageable ang ang maong kaso.
-o0o-
