Sa interview sa DXDC RMN Davao sa usa ka staff sa San Pedro Cathedral Parish Office nga si Jelo Bagues, giingon niini nga mao ra gihapon ug wa’y gi-usab sa palisiya sa health protocol nga gipatuman sulod sa Cathedral sukad nga gi-relaks ang istrikto nga protocol nga una nang gi-imposar niadtong panahong anaa pa sa COVID-19 pandemic ang entero syudad.
Segun ni Bagues nga nagpabiling giluagan ang health protocol nga kon niadtong tulo ka tuig nakalabay istrikto gipatuman ang pagsuot sa facemask sa tanang manimbahay apan karon wala na ginasita kon magsuot man o dili og facemask ang mga musimba gawas lang sa social distancing nga nagpabiling gisunod sa mga manimbahay sa San Pedro Cathedral.
Suma ni Bagues, magdepende sa kamanadoan sa lokal nga gobyerno ug sa dagan sa kaso sa COVID-19 ang mga mahitabong kausaban sa health protocol nga kasamtangang maoy gipasunod sa tanang mga katoliko nga musimba sa maong simbahan.
Gisubay sa news team ang mga dagkong simbahan sama sa San Pedro Cathedral kon duna ba’y gi-usab sa mga health protocol ning panahona sa pagsiguro nga dili magtinakdanay sa COVID-19 ang mga manimbahay diin nag-ugat ang pagsusi niini sa nahitabong lockdown sa pampublikong sekondarya sa Barangay Matiao, Mati City, Davao Oriental human nagpositibo sa virus ang 16 ka estudyante.
RadyoMaN Joel Viray
